Universis Sanctæ Matris Ecclesiæ Filiis, præsentes Literas inspecturis: Nos Richardus miseratione Divinâ Wintoñ Episcopus, Johannes eadem miseratione Roffensis Episcopus, Carolus Somerset Dominus de Herbert Miles, Thomas Lovell Miles, Henricus Marney Miles, Johannes St. John Miles, Henricus Hornby Clericus, et Hugo Ashton Clericus, Executores testamenti Excellentissimæ Principissæ Margaretæ Comitissæ Richmond et Derbiæ, aviæ metuendissimi Domini nostri Regis Henrici, Regis Angliæ et Franciæ, et Domini Hiberniæ, Octavi, et matris Domini Henrici nuper Regis Angliæ, Septimi, Patris ejusdem nunc Regis, Salutem in Domino sempiternam.

Cum prædicta Comitissa in vitâ suâ acceperat, quod Domus sive Prioratus Fratrum relligiosorum Sancti Johannis Evangelistæ in Cantabrigiâ, de fundatione et patronatu Episcopi Eliensis tunc existentis, ac terras, tenementa, redditus, possessiones, ædificia, res, bona, jocalia, et alia ornamenta ecclesiastica ejusdem Domus sive Prioratus per negligentiam, prodigalitatem, atque improvidam et dissolutam dispositionem Priorum et Magistrorum Domus sive Prioratus illius, ac confratrum suorum, in tantum dilapidata, destructa, devastata, diminuta, et subtracta, ipsique in tantam inopiam et paupertatem redacti extiterant; Ita quod ipsi Divina obsequia, hospitalitatem, et alia misericordiæ et pietatis opera ibidem, juxta primævam fundationem et ordinationem Fundatorum suorum manutenere et supportare, seu se ipsos propter inopiam et defectum sustentationis inibi deservire nequibant: Ac Fratres ejusdem Domus sive Prioratus pauci in numero, viz., quandoque nisi duo, et quandoque tres ad plus, in eadem domo ad tune relicti extiterant, qui extra eandem Domum relligiosam undique vagarunt, in gravem Omnipotentis Dei offensam, Ordinis et Relligionis illius dispendium, et Ecclesiæ scandalum;